വിണ്ണിലെ താരമേ

വിണ്ണിലെ താരമേ,

നെഞ്ചിലെ കൂട്ടില്‍ മെല്ലെ

നിറ ദീപ നാളമായ്

ഒളിയേകും അഴകേ….

പാടുമെന്‍ പാട്ടിലെ

ഭാവമായ് പെയ്ത പോലെ

ഒരു രാഗ മാലയായ്‌

മൊഴിയേകും നീയേ….

കനവായിരമായിരമേകി

നിനവോരം ഓടി അണഞ്ഞും

കുളിരേകും തൂമഴയായ് അറിയാതെ

ആദ്യ നാളിന്‍ ഓര്‍മ്മ പോലെ,

യാത്ര നീളെ ചാരേ നീയേ….

മൗനം അണയും രാവില്‍ മെല്ലെ

പ്രേമപൂര്‍വ്വം നീ തൊടില്ലേ….

അകതാരിലെ സാന്ത്വനമായി

പ്രിയമോടെ നിന്‍ മോഹന രൂപം,

ഒരു മാത്രയില്‍ കാതരയായ് പറയാതെ

ജന്മം പുണ്യം പോലെയെന്റെ

പാതിമെയ്യായ് വന്നു നീയേ

പൂമിഴിയിലെ ഏഴഴകുമായി

എന്‍ ജീവനില്‍ നന്മ പോലെ….

അനുരാഗിണിയാം പ്രിയതേ നീ,

വരമാല്യം അണിഞ്ഞ മനസ്സില്‍

ഒരു നേരവും വേര്‍ പിരിയാതെ നിനയാതെ

*****

Vinnile Thaarame by Rahul Soman & Unnikrishnan K.B is licensed under a Creative Commons Attribution-NonCommercial-NoDerivs 3.0 Unported License.

Based on a work at soundcloud.com.

സ്വാമി അയ്യപ്പാ!

പതിനെട്ടാം പടി ശരണം ശരണം
സ്വാമി ശരണം... അയ്യന്‍ ശരണം...
ഇരുമുടിയേന്തും ഭക്തര്‍കെല്ലാം
സ്വാമിയെന്നും ശരണം ശരണം...

മാമല മേലെ നീയിരുന്നാലും
മാനസമറിയും നീയെന്‍, അയ്യപ്പോ!
കാനനമാകെ താണ്ടി വരുമ്പോള്‍
ആശ്രയമേകു നീയെന്‍, അയ്യപ്പോ

തീരാ മോഹം പേറി
ഞങ്ങള്‍ഏറും അയ്യപ്പോ!
കാണാനായ് നിന്നെ മാത്രം,
വീരാ അയ്യപ്പോ!
ഇരവറിയാതെ പകലറിയാതെ
മനസ്സില്‍ നിന്നെ ഏറ്റും അയ്യപ്പോ!!!

  നിറയും ഈ പൊന്മലയാകെ ശരണം വിളിയുടെ ധ്വനികള്‍...

മണികണ്ഠാ നിന്‍ ദര്‍ശനമാലെ നേടും പുണ്യം മിഴികള്‍...

തീരാ ദോഷം ഏന്തി ഞങ്ങള്‍

സ്വാമി അയ്യപ്പോ!!!

നേടാനായ് മോക്ഷം മാത്രം

ധീരാ അയ്യപ്പോ!!!

അഴലറിയാതെ വ്യഥ അറിയാതെ

പടികള്‍ മെല്ലെ ഏറും,  അയ്യപ്പോ!!!

 

*****

All rights reserved for the poem. Rahul Soman©

Swami Ayyappa is a modern devotional song by Dreaming Nomads and Ripples.

Singer: Unnikrishnan K B

Lyrics: Rahul Soman

Music & Programming: Anoop Bhat

Bass & Mixing: Norbert Aniesh Anto

Editing: Jobin Komaroth

Direction & Camera: Abrooz (Abraham Joseph) & Bimal S Parayil

പഴനിമല പുണ്യമല

പഴനിമല പുണ്യമല വേൽമുരുകൻ വാഴും മല

ഹര ഹരോ.... ഹര ഹര ഹരഹരോ

പഴനിമല പുണ്യമല വേൽമുരുകൻ വാഴും മല

ഹര ഹരോ.... ഹര ഹര  ഹരഹരോ

എന്നെന്നും വേലനെന്റെ പീലിക്കാവടി

ആഘോഷമോടെയെന്റെ ഭസ്മക്കാവടി

നിറവർണ്ണങ്ങളേറുമെന്റെ പൂക്കാവടി

വേൽമുരുകാ ഹരോ ഹരാ..വേലായുധാ ഹരോ ഹരാ..

ശക്തിധരാ ഹരോ ഹരാ..സുബ്രഹ്മണ്യ ഹരോ ഹരാ...

വേൽമുരുകാ ഹരോ ഹരാ..വേലായുധാ ഹരോ ഹരാ..

ശക്തിധരാ ഹരോ ഹരാ..സുബ്രഹ്മണ്യ ഹരോ ഹരാ...

സ്കന്ദരൂപനേ ആനന്ദദായകാ

അഗ്നിയിൽ പിറന്നൊരെന്റെ ശിവശക്തിപുത്രനേ

പാൽക്കാവടിയാടുമെന്റെ കൈകാലുകൾക്കു നീ...

ശക്തിവേലനേ നീ ശക്തി നൽകണേ...

വേൽമുരുകാ ഹരോ ഹരാ..വേലായുധാ ഹരോ ഹരാ..

ശക്തിധരാ ഹരോ ഹരാ..സുബ്രഹ്മണ്യ ഹരോ ഹരാ...

വേൽമുരുകാ ഹരോ ഹരാ..വേലായുധാ ഹരോ ഹരാ..

ശക്തിധരാ ഹരോ ഹരാ..സുബ്രഹ്മണ്യ ഹരോ ഹരാ...

ബാലരൂപനേ അജീതിദായകാ

ദേവസേനാപതിയാം സംഹാരമൂർത്തയേ

നിന്നെ വണങ്ങുമെന്റെ അകതാരിൽ നിത്യവും

നീലമയിലേറി നീ ദർശനമേകണേ...

*****

All rights reserved for the poem. Rahul Soman©

Click here to listen to the song  

കണ്മുന്നിലെന്നും

കണ്മുന്നിലെന്നും അയ്യന്റെ രൂപം
കണ്ണോളം കണ്ടാലും തീരില്ല മോഹം
അയ്യന്റെ നാമം ചൊല്ലുന്ന നേരം
പാരാകേ നിറയും ശാന്തിതന്നീണം
സ്വാമീശരണം ശരണമെന്റയ്യപ്പാ

ഹരിഹരസുതനേ ശരണം ശരണം
സ്വാമീശരണം ശരണമെന്റയ്യപ്പാ
അയ്യന്റെ തൃപ്പാദം എന്നും ശരണം...

പൊന്മലയേറും അയ്യപ്പഭക്തന്മാർ
താളത്തിൽ പാടുന്നു ശരണസൂക്തങ്ങൾ..
ഇരുമുടിഭാരം തെല്ലുമൊട്ടറിയാതെ
തുടികൊട്ടികയറുന്നു സന്നിധിപൂകാൻ

പമ്പയിൽ ആഴും അയ്യപ്പഭക്തന്മാർ
മനതാരിൽ കാണുന്നു സ്വാമിതൻ ലീലകൾ
ധർമ്മശാസ്താവേ ഹരിഹര പുത്രാ
അവിടുത്തെ ദർശ്ശനം അപൂർവ്വപുണ്യം

സ്വാമീശരണം ശരണമെന്റയ്യപ്പാ
ഹരിഹരസുതനേ ശരണം ശരണം
സ്വാമീശരണം ശരണമെന്റയ്യപ്പാ
അയ്യന്റെ തൃപ്പാദം എന്നും ശരണം

*****

All rights reserved for the poem. Rahul Soman©

Click here to listen to the song  

ശിവനന്ദിനി

ആരാരുമില്ലാതാശ്രിതര്‍ പാടും,
അഴലിന്റെ ഗീതം കേള്‍ക്കും അമ്മ മാത്രം!
ആരാരും കാണാ നീര്‍ലോചനങ്ങള്‍
അലിവോടെയെന്നും മായ്ക്കും അമ്മ മാത്രം!
ശിവനന്ദിനിയേ! പരമേശ്വരിയേ!
പാരാതേ നീയെന്നെ  കാത്തീടണേ

ശ്രീകുറുമ്പയായ്  മാനസങ്ങളില്‍
വാഴുമെന്‍ അംബികേ...
ആശ്രിതര്‍ക്കു നിന്‍ പുണ്യ ദര്‍ശനം
മംഗളദായകമായ് 

എത്രെയോ ദോഷങ്ങള്‍
അറിയാത്ത പാപങ്ങള്‍
ദോഷഹീനേ മുക്തിനല്കി
രക്ഷയേകു
പലനാള്‍ നിന്‍ മുന്നില്‍
ഇടറുന്ന നെഞ്ചോടെ
ഭദ്രേ ദേവീ നിന്‍ നാമ മന്ത്രം ചൊല്ലീടുന്നു 

ശ്രീകുറുമ്പയായ്   മാനസങ്ങളില്‍
വാഴുമെന്‍ അംബികേ...
ആശ്രിതര്‍ക്കു നിന്‍ പുണ്യ ദര്‍ശനം
മംഗളദായകമായ് 

ഇനിയെത്ര ജന്മങ്ങള്‍
അതിലെത്ര വേഷങ്ങള്‍
ആടിയാലെ മോക്ഷമേകു -
യെന്‍ വരദേ
കര്‍മ്മത്തിന്‍ ഭാരത്താല്‍
വയ്യാതെയുഴറുമ്പോള്‍
അമ്മേ മായേ എന്‍ മോഹതാപം തീര്‍ത്തീടണേ

ശ്രീകുറുമ്പയായ്  മാനസങ്ങളില്‍
വാഴുമെന്‍ അംബികേ...
ആശ്രിതര്‍ക്കു നിന്‍ പുണ്യ ദര്‍ശനം
മംഗളദായകമായ്  

*****

All rights reserved for the poem. Rahul Soman©

Music: Sibu Sukumaran 

ശ്യാമ ഹരേ ശ്യാമ ഹരേ

ശ്യാമ ഹരേ ശ്യാമ ഹരേ ഗോവിന്ദാ
യദുകുല മുരളിയൂതി നീ വാ വാ
ഗോപി ഹൃദയങ്ങള്‍ നിന്നെ തേടുമ്പോള്‍,
അഞ്ജന വര്‍ണ്ണാ നീ നൃത്തമാടി വാ


മധുരസ്മേരനായ് മനം കവരും ദേവാ
അലിവിന്‍ മിഴിയാലെ മനം മയക്കും നാഥാ
കാളിന്ദി തീരത്ത് ആടിയൊരാ  ലീലകള്‍,
ഗുരുവായൂരിലും  നീ ആടിപാടി വാ വാ


അരികെയണയാനായ്  എന്ത് നല്‍കണം ഞാന്‍
അവിലോ മലരോ നറു വെണ്ണയാണോ കണ്ണാ
ഈ ശുഭ സായാഹ്നം ധന്യമാകുവാനായ്,
കരുണാനിധിയേ കനിവോടെ നീ വാ

*****

All rights reserved for the poem. Rahul Soman©

Music: Vinod Kumar A

മണികണ്ഠനാമെന്‍ സ്വാമി

മകര കുളിര്‍  തെന്നലേറ്റു ഞാനിന്നീ
മലയില്‍ തൊഴുതു നില്‍കുമ്പോള്‍
മണികണ്ഠനാമെന്‍ സ്വാമി
അവിടുത്തെ മുഖമെന്റെ മുന്നില്‍
ജപ മന്ത്രമായെന്‍ നാവില്‍
അവിടുത്തെ നാമമെന്‍ സ്വാമി 

മാമല വാഴുന്ന ദേവാ,
എന്‍ മാനസം വാഴുന്നോരീശാ
നൈവേദ്യമായീ പ്രാര്‍ത്ഥന
കാലങ്ങളായ് പാടുന്നു ഞാന്‍
കാരുണ്യ വാരിധേ കൃപയേകി കാക്കണേ


സാന്ത്വനമേകുന്ന മൂര്‍ത്തേ,
കലികാലത്തില്‍ രക്ഷ നീ തന്നെ
വ്രതശുദ്ധിയാല്‍  നിര്‍മ്മലമാം
മനതാരില്‍  നിന്‍ സങ്കീര്‍ത്തനം
പാപാന്ധകാരം മായ്കുന്നു ദേവാ

*****

All rights reserved for the poem. Rahul Soman©

Music: Aswin Krishna 

കാളിയമ്മേ ദേവിയമ്മേ

കാളിയമ്മേ ദേവിയമ്മേ
വരമരുളു ശ്രീ പരമേശ്വരിയേ
കാവിലമ്മേ പാരിന്‍ അമ്മേ
തുണയരുളു ശ്രീ ഭുവനേശ്വരിയേ
ഉഗ്രരൂപിണിയാം ശൂലധാരിണിയേ
മുപ്പാരും നിന്‍ നാമം വാഴ്ത്തുന്നു ശ്രീ ദുര്‍ഗ്ഗേ


ശ്യാമളമാം നിന്‍ മോഹന രൂപം
സാന്ത്വനമായെന്‍ മായേ
ശീതളമാം നിന്‍ കൃപാകടാക്ഷം
ദോഷം മായ്ക്കുമെന്‍  ഭദ്രേ
നിന്‍ മുന്നില്‍ എന്നും പാടുമ്പോളെല്ലാം
നീറുമെന്‍ നെഞ്ചാകെ പൂമാരി പെയ്യും പോല്‍

ദുരിതങ്ങളേറുമെന്‍ കര്‍മ്മപഥത്തില്‍
അനുഗ്രഹമായെത്തും അമ്മേ
തളരുമെന്‍ മെയ്യില്‍ ശക്തിയരുളു
ശരണവുമേകു എന്‍  അമ്മേ
സന്താപമെല്ലാം സന്തോഷമാവാന്‍
എന്നെന്നും നിന്‍ രൂപം പൂജിക്കാം മഹേശ്വരി

*****

All rights reserved for the poem. Rahul Soman©

Music: Sibu Sukumaran 

താരാട്ട്

|

Singer: Midhu Vincent
Music: Vinod Kumar A
Lyrics: Rahul Soman
Orchestration & Mixing: Sibu Sukumaran
Voice recording at: Chethana Studio, Thrissur
Publisher: Nadam – www.m3db.com
 
നീയുറങ്ങു പൊന്‍ മുത്തേ,
ചായുറങ്ങ് എന്‍ മൈനേ
  അമ്മ നെഞ്ചിന്‍ താരാട്ടാം  
സ്നേഹതാളം നിനക്കായ്

പൂമിഴികള്‍ തഴുകുവാനായ്
നിദ്രാദേവി അണയുവാനായ്
അമ്മ പാടും താരാട്ടിന്‍ ഈണം നീ കേള്‍ക്കു...

രാക്കിളികള്‍ മയങ്ങുമ്പോള്‍
രാവുറങ്ങാന്‍ നീ ഒരുങ്ങുമ്പോള്‍
പാല്‍ ചിരിയോടെ പാര്‍വണം കാവലായ് നില്പു...

*****

All rights reserved for the poem. Rahul Soman©

Photograph Courtesy: Lakshmi Chechi and Nandu :) 

അറിയാതെ രാവില്‍...

മൗനമായ് അറിയാതെ രാവില്‍
ആലോലമായ് മെല്ലെ...
സായുജ്യമായെന്നില്‍ ഉണരുന്നോ മൃദു മോഹം...
കാണാനായ് വീണ്ടും...

എന്നെന്നുമെന്‍ പ്രിയമാമീ നേരം
ഇന്നെന്തേ ഞാന്‍ ഏകനായ്
എന്നുള്ളമെന്തേ ആര്‍ദ്രമായ്‌...

ഓര്‍മ്മയില്‍ മായാതെ കിനാവേ...
മൃദുലമായ്  വീണ്ടും...
മുകുളമായെന്നെ തഴുകുന്നോ വിമൂകം...
അകലാനായ് ദൂരേ...

എന്നെന്നുമെന്‍ പ്രിയമാമീ നേരം
ഇന്നെന്തേ ഞാന്‍ ഏകനായ്
എന്നുള്ളമെന്തേ ആര്‍ദ്രമായ്‌...

*****

All rights reserved for the poem. Rahul Soman©

ഏതോ കനവായ്...

ഏതോ കനവായ് നീയെങ്ങോ മായവേ,
പ്രിയമയി!
ആരും ആരാരും അറിയാതെന്‍ മോഹമേ,
അനുപമ പ്രണയമേ വിലോലമായ് തലോടവേ
അകമലര്‍ ഉണരുമോ ആലോലമായ് ഈ വേളയില്‍

ഓ പ്രിയേ നീ അണയാനായി
എന്‍ മനം ഇനി കാത്തിരിപ്പു
മാറിലെ കുളിരേകാനായ്
നീ വരൂ... വരൂ...
കളമൊഴിയേ കാണാതെ പോകെ പരിഭവമോ
അറിയുന്നുവോ പാടാതെ ഞാനീ വിരഹഗീതം 

ചാരുതേ പുണരുവാനായി
  എന്നുള്ളം മെല്ലെ പൂവണിഞ്ഞു...
രാഗമായ് എന്‍ ചൊടികളില്‍ മൂകം                
നീ മധു... തരു...
നിനവുകളെ കാതോരം മൂളാം കവിതകളായ്
അകലരുതേ ആദ്യാനുരാഗമേ പിരിയരുതെ! 

*****

All rights reserved for the poem. Rahul Soman©

വിരഹം

എവിടെയെന്‍ മഞ്ഞപ്പൂക്കള്‍ ?
എവിടെയെന്‍ കൂട്ടുക്കാര്‍‍?
എവിടെയെന്‍ മുത്തശ്ശി കഥകള്‍?
എവിടെയെന്‍ കളിക്കോപ്പുകള്‍?

വിരഹമേ! നീയെന്തിനെന്നെ കൂട്ടു പിടിച്ചു ?
എന്തിനെന്‍ ധനമപഹരിച്ചു?
എന്തിനെന്‍ പുഞ്ചിരി മായ്ച്ചു?
എന്തിനെന്‍ മിഴികളില്‍ കാംക്ഷ നിറച്ചു ?

ഞാന്‍ നിന്നെ പ്രോത്സാഹിപ്പിച്ചതില്ല...
ഞാന്‍ നിന്നോട് മിണ്ടിയതുമില്ല...
എന്നിട്ടും നീയെന്തെന്‍ ഉറ്റവരെ,
എന്നേ നിന്നക്കേകാന്‍ പ്രേരിപ്പിച്ചു?
ദേഹി ഇല്ലാത്ത എന്നെ, നിന്നക്കെന്തിനു? 

*****

All rights reserved for the poem. Rahul Soman©

Photograph is a part of "Loneliness" series by Rajan Paul 

സന്ധ്യ തന്‍ പ്രിയമാര്‍ന്ന പൂവേ

സന്ധ്യ തന്‍ പ്രിയമാര്‍ന്ന പൂവേ
നീ പുലരിയില്‍ അടരാതെ!
ഏതോ വിഷാദം അറിയാതെ നിന്നെ
തരളമായി പുല്‍കിയോ... സാന്ദ്രമീ മഞ്ഞലയില്‍

അഴകേ നിന്‍ സുരഭില ദലമെന്തേ
അറിയാതെ നനുനനെ നനവൂറി
ആരാരും കേള്‍കാത്ത നിന്‍ മോഹങ്ങള്‍,
എന്നോടായ്  ചൊല്ലാമോ ഈ വേളയില്‍?
എന്നെന്നും നിന്നുള്ളം മൗനമായ് തേടും സാന്ത്വനമേകാന്‍

മൃദുലേ നിന്‍ നിനവില്‍ ഇന്നെന്തേ,
പിരിയാത്ത നിഴലായ് നോവേറേ?
ആലോലം പൂന്തെന്നല്‍ നിന്നെ തലോടവേ,
നിന്‍ ശോകം മായില്ലേ  ഓര്‍മ്മകള്‍ പോലെ?
ഇനി നിന്നെ പുണരില്ലേ , മൃദുവായ്  വീണ്ടും ആനന്ദഭാവം? 
*****

All rights reserved for the poem. Rahul Soman©

പൊന്നോണ സുര്യനുദിച്ചേ!

പൊന്നോണ സുര്യനുദിച്ചേ, പൂമാനം കസവണിഞ്ഞേ,

പൂഞ്ചോല നിറ കവിഞ്ഞേ, പൂങ്കാവ് പൂത്തുലുഞ്ഞേ,

ഓണ നാളിന്‍ ഉത്സവം, നാടാകെ  ആമോദം,

വര്‍ണ്ണ പൊലിമ നല്‍കി, വരവേല്പിന്‍ ആഘോഷം,

ഓണം വന്നോണം വന്നേ തക തക!

 ഓണ കിളി മൂളിയ പാട്ടിന്റെ ഈണത്തില്‍,

തുമ്പയും തെച്ചിയും ആടുന്നു താളത്തില്‍,

പൂവെല്ലാം തഴുകി വരും കുസൃതി പൂന്തെന്നലിന്‍

കിന്നാരം കേട്ടുലയും പൊന്‍ വയലേലകള്‍.

ഓണ നാളിന്‍ ഉത്സവം, നാടാകെ  ആമോദം,

വര്‍ണ്ണ പൊലിമ നല്‍കി, വരവേല്പിന്‍ ആഘോഷം,

ഓണം വന്നോണം വന്നേ തക തക!

പുലരിപ്പൊന്നൊളിവീശി മിന്നും പൂവാടിയിൽ,
പൂന്തേൻ നുകർന്നീടാൻ എത്തും പൂത്തുമ്പികൾ,

മാനത്ത് വിരിയുന്ന മാരിവില്‍ പൂവണിയും,

മാവേലി മന്നനെ എതിരേല്‍ക്കാന്‍ നിന്നല്ലോ.

ഓണ നാളിന്‍ ഉത്സവം, നാടാകെ  ആമോദം,

വര്‍ണ്ണ പൊലിമ നല്‍കി, വരവേല്പിന്‍ ആഘോഷം,
ഓണം വന്നോണം വന്നേ തക തക!

*****

All rights reserved for the poem. Rahul Soman©
NB: Please click here to listen to the song. 

പ്രണയം അത്രമേല്‍‍...

പിരിയാന്‍ വയ്യാത്ത ഹൃദയങ്ങള്‍
പ്രണയത്തിന്‍ കോവിലില്‍ തപസ്സിരിക്കെ
മോഹം മഴയായ് പെയ്തൊരു രാത്രിയില്‍
  പ്രകൃതിയൊരിണക്കായ് കാത്തു നിന്നു
പ്രണയം അത്രമേല്‍ ദിവ്യം...

കളിയായ്‌ കൊഞ്ചിയ രാക്കിളി തന്‍
മര്‍മ്മരം അലിഞ്ഞോരീ തെന്നലിനും
പ്രേമസ്വരം മൂളാന്‍ എന്തേ കൗതുകം
ആത്മസ്വനത്തിന്‍ നിര്‍വൃതിയോ...
പ്രണയം അത്രമേല്‍ ധന്യം...

യാമം പൊഴിയവേ രാഗാര്‍ദ്രമായ്
ഏതോ നിനവിന്‍ നൈര്‍മല്ല്യമായ്
അനുഭൂതി ഇനിയൊരു ഓര്‍മ്മ പോല്‍
പുണരും... അറിയാതെ... അറിയാതെ
പ്രണയം അത്രമേല്‍ ദീപ്തം...

*****

All rights reserved for the poem. Rahul Soman©
 
Note: ഈ വരികള്‍ക്ക് ഈണം നല്ക്കിയത് ശ്രീ. അരുണ്‍ ജി. എസ ആണ്,
ഗാനം വൈകാതെ തന്നെ ലഭ്യമാകും.

എന്റെ വിസ്മയ കേരളം

പാടു പൊന്‍ കിളിയേ...
മലയാള നാടിന്‍ മഹിമയോതും ഗീതങ്ങള്‍...
പാടു പൊന്‍ കിളിയേ...
മലയാള മണ്ണിന്‍ പെരുമ ചൊല്ലും കാവ്യങ്ങള്‍...
ഈ അരിയ തീരമാകെ, നിറയും മൈത്രി ഭാവം
നിറ ശാന്തിയേകി നിള തഴുകുമീ പുളിനം

തെയ്യം തിറയാട്ടം കളിയാടും ഈ ഭൂവില്‍
നാദം ലയ മേളം, സുര താളം മനസ്സാകെ...
സാഗരം മുത്തമേകും, ഈ ധന്യമാം കേര തീരം
സാനുവില്‍ ഉതിരും ചോലകള്‍ ഒഴുകും, കേളി ഭൂമി മോഹനം

എന്നും സമഭാവം നടമാടും ഈ ഭൂവില്‍
ഓണം ആമോദം,ആഘോഷം എല്ലോര്‍ക്കും
കേരളം വീരഭൂമി, ഇത് ധീരര്‍തന്‍ ജന്മഭൂമി
സാന്ത്വനം അരുളും ധാത്രിയായ്, മഹിത ഭൂമി എന്നും വിസ്മയം

*****

All rights reserved for the poem. Rahul Soman©

Note: This lyric is written for a tune composed by Shri. Sibu Sukumaran

പൂനിലാമഴ പോലെ...

ചഞ്ചല മനതാരില്‍ മഞ്ജിമ ദലമോടെ
വന്നൊരു സൗന്ദര്യമേ - മായാ
സുന്ദര രതിപുഷ്പമേ!
മഞ്ജുള മണി രാവില്‍ പൂനിലാമഴ പോലെ,
ഒഴുകിയ അനുരാഗമേ - ചാരേ
വന്നൊരു സൗഭാഗ്യമേ!
രാഗ സുമങ്ങള്‍ അഴകോടെ വിരിയും
രമ്യ മലര്‍വാടി എന്‍ മനമേ

ആനന്ദ ദായകം മനോമോഹിതം - നിത്യ
സുഖ ദായകം ഈ നവസായൂജ്യം
മനസ്സില്‍ നിറയുന്ന നിന്‍ സ്നേഹമേ - എന്നും
എന്‍ വാഴ്വില്‍ ഉള്ള ജ്വാലാ

എത്രയോ നാളായ് മറന്നൊരു രാഗം - ആ... ആ...
തേടി നടന്നൊരു രാകിളി ഞാന്‍!
നിന്‍ സ്വരാമൃത സാന്ത്വന സങ്കീര്‍ത്തനം,
അതിന്‍ പൊരുളായീ അനശ്വരമായി!

വിരിയുന്ന മോഹങ്ങള്‍ രാഗാര്ദ്രമായ് - ഒരു

പൊന്‍തൂവലായ് മെല്ലെ തഴുകീടുന്നു...
മൗനത്തില്‍ വിടരുന്ന അനുഭൂതിയേ - എന്നും
പൂമിഴി തേടുന്നു നിന്‍ പദമേ....

*****

All rights reserved for the poem. Rahul Soman©

Note: This lyric is written for a tune composed by Shri. Murali Venkataraman

ഏതോ സ്മൃതിയില്‍...

ഏതോ സ്മൃതിയില്‍ ഈറനായി മെല്ലെ
സിന്ദൂര മാനസം തേടുവതാരെ?
ഏകാന്ത രാവില്‍ കാതോര്‍ക്കും നേരം,
അറിയാതെ ഉള്ളം തരളിതമായോ?

മൗനം നിറയും നാല് ചുവരില്‍ നിന്‍
സുരുചിര സ്വപ്നം മാഞ്ഞതെന്തേ?
ഓര്‍മ്മകള്‍ കോര്‍ത്തൊരു സുന്ദര രാഗം
നിന്‍ മാനസ വീണയില്‍ മീട്ടാഞ്ഞതെന്തേ?

രാഗ വിലോലം നിന്‍ പൂമിഴിയില്‍
പ്രണയാഭിലാഷം മങ്ങുവതെന്തേ?
ശ്യാമമാം രാത്രിയില്‍ തിങ്കളെ പോലെ
തനിയെ ഇന്ന് നീ ഉരുകുന്നതെന്തേ?

*****

All rights reserved for the poem. Rahul Soman©
Note: This lyric has been composed by Shri. Vinod K.A

സാന്ദ്രം നിന്‍ സംഗീതമേ

സാന്ദ്രം നിന്‍ സംഗീതമേ,

ഭൂവിലെന്നും നിഹാര മഴയായ് - 2
നിന്‍ ഗീതം അലയായ്‌ ഒഴുകി
ഈ ദേശമാകെ ജീവനായ് (സാന്ദ്രം)

നാദം നിന്നില്‍
നിന്നും ആനന്ദ മാരിയായ്
നിന്‍ ഈണങ്ങള്‍
മനസ്സില്‍ തന്ത്രി മീട്ടി
ആഹ്ലാദം നല്കുമേ
നിന്‍ ആര്‍ദ്രഗീതങ്ങള്‍
അനേകമാം ഈണങ്ങള്‍ - പുതു
കാവ്യ സൗരഭ്യം
പാട്ടിന്‍ ലയമാല്‍
എല്ലാ വ്യഥയും മായ്ച്ചതു നീ
കാലമേറേ ആയാലും
ഓര്‍മ്മ പുല്കിയിടും - 2 (സാന്ദ്രം)

പാടി പാടി വീണ്ടും

നിന്‍ ആത്മരാഗങ്ങള്‍

മെല്ലെ ഉള്ളം വിങ്ങും

സ്വനം ഓര്‍ക്കും വേളകളില്‍

വിരിയും നിന്‍റെ ആശയം
ആയിരം നവ ശൈലിയായ്
പൊഴിയും നിന്‍റെ കനവിലും
ഭാരതത്തിന്‍ ഗീതങ്ങള്‍
എവിടെയും നിന്‍ ഗാനങ്ങള്‍ - ഒരു
അനശ്വര സങ്കീര്‍ത്തനം (സാന്ദ്രം)

എന്നും എന്നും ആര്‍ദ്രം

നിന്‍ ഭാവ സംഗീതം

മീട്ടും മാനസ രാഗം

നിന്‍ മായാ തന്ത്രികളില്‍

ഗന്ധര്‍വ ഗീത ഭാനുവായ്
ഖ്യാതി വാനില്‍ ഉയരും ദിനവും
സ്വര ശോഭയായ്
സംഗീതം ഇനിയും വിണ്ണില്‍ താരമായ്

മനസ്സില്‍ നിത്യം നിനക്കായ്
ആയിരം ഗീതാഞ്ജലി - 2
നിന്നിലെ സംഗീതത്താലെ
നിറയും ഹര്‍ഷം ജീവനില്‍ (സാന്ദ്രം)

*****

All rights reserved for the poem. Rahul Soman©
Note: This lyric has been composed for an album.

കൂട് തേടുന്ന

കൂട് തേടുന്ന, കുയിലു പാടുന്ന,
മധുര രാഗ മഴയായ്...
നുള ശോണ സാന്ദ്ര മിഴിയേ...
അനുരാഗ ദൂത് ഇന്നെവിടെ?

ഓര്‍മ്മകളേ... മൂകമെന്തേ?
പ്രിയമൊരു മൊഴിയാകുമോ?
വെറുതെ ഈ നോവറിയേ...
പുലരെ നീ മാഞ്ഞതെന്തേ?
രാക്കതിര്‍ തേടിയ സ്നേഹ താരമായ്...

രാവൊളിയേ... കാണുവതോ,
സുരഭില നിമിഷങ്ങളെ
അരികേ വാ വാനഴകേ...
നിന്നെ ഈ തൂമിഴിയാല്‍...
കാതരം കാണവേ മോഹ ലാസ്യമായ്...

*****

All rights reserved for the poem. Rahul Soman©
Note: This lyric has been composed for an album.