ആറുമുഖനേ...

ആറുമുഖനേ... അതിസുന്ദര ബാലനേ...
തൃകണ്ണിന്‍ ജ്വാലയായി ഗംഗയില്‍ അലിഞ്ഞവനേ ...
ശരവണ പൊയ്കയില്‍ ആറായി പിറന്ന നീ...
ശിവശങ്കരിതന്‍ കൃപയാല്‍ ഷണ്മുഖനായി...


വെട്രി വേല്‍മുരുകനേ സത്യധര്‍മ്മ പാലകനേ
ഉഗ്രശൗര്യമോടെ നീ നിഗ്രഹിച്ചു ദാനവരെ...
താതനേകിയ വരത്താല്‍ അധമനാം താരകനെ...
ശക്തി വേലാല്‍ സംഹരിച്ചു മോക്ഷമേകിയതും നീയേ...

ദേവസേനാപതിയേ നിന്‍ സമാഖ്യ ഗീതികള്‍...
ശ്രവണ മാത്രേ മനം ആറാടും ഭക്തിയില്‍...
തിന്മനാശകാ... നിത്യം പൂജികും അടിയന്‍റെ...
അഴലേറും വാഴ്വില്‍ വിഭൂതി നീ പ്രസാദിക്കു...

*****

All rights reserved for the poem. Rahul Soman©